ADRA: Komunikadu Imprensa/Press Release

Iha loron 10 de Setembru 2019, the Adventist Development and Relief Agency (ADRA) Timor-Leste liuhosi Viqueque Sustainable Agro-Enterprise Farmers to Market (FarMar) Development Project hetan suporta husi governu Nova Zelandia, hala’o eventu fa’an hamutuk (collective selling) produtu Ailia tonelada 1 husi agrikultór sira iha Suku Uma Tolu liu-liu aldeia Nuntetuk ho kompania ACELDA husi Baucau. Iha eventu ne’e kompania ACELDA mos halo negosiasaun ho agrikultór kona-ba hola produtu Kami’i regularmente iha volume ne’ebé bo’ot. Eventu ida ne’e marka pasu ne’ebé importante ba area remotas hanesan aldeia Nuntetuk iha termus hetan merkadoria ne’ebé konsistente ba sira nia produtu lokál.

Projetu FarMar ne’ebé lansa iha Agostu 2018 hetan suporta husi Ministériu Negósiu Estranjeiru no Komérsiu Nova Zelandia (MFAT New Zealand) no mos implementa hamutuk ho MAP no IADE Viqueque. Projetu FarMar sei lao ba tinan lima (5) nia laran to’o 2023 no servisu ho uma kain agrikultór nain 1500 iha suku 15 iha Viqueque. Suku 15 nebe Projetu FarMar servisu maka Bahalara Uain, Bibileo, Caraubalu, Luca, Uma Quic, Uma Uain Leten, Uma Uain Craic, Dilor, Ahic, Uma Tolu, Nahareca, Ossorua, Uabubo, Ossu de Cima no Loihuno.

Projetu nia objetivu mak “atu hamoris ekonomia rurál iha Viqueque liuhosi agro-empreza orientadu ba merkadu no hadia seguransa alimentár iha Timor-Leste.” Projetu sei liga agrikultór ba korenti merkadu; hasa’e produsaun agrikultura, venda no rezerva finanseiru; no hadia familia nia bem-estar. Projetu sei foka liu ba komoditi hanesan: Ailia, Nu’u, Kami’i no Maek. Liuhosi atividades projetu, ami espera sei hadia fornesementu ba merkadu, haforsa korenti merkadu, hadia seguransa alimentar no reduz defisit komersiais. To’o agora Projetu FarMar liga tiha ona agrikultór sira ho sosa nain no supermerkado iha Díli.

Aleinde promove merkadoria, Projetu FarMar mos fo kapasitasaun kona-ba hadia produsaun no kualidade, abilidades komérsiu no negosiasaun, no mos maneija osamentu liuhosi atividade rai no impresta osan. Projetu FarMar estabelese ona Grupu Rai no Impresta hamutuk 16 grupu ho total membru 315; Feto nain 192 (61%) no Mane nain 123 (39%). Total valor osan nebe’e rai mak $26,635.25.

Sei karik persija atu hatene liu tan kona-ba projetu FarMar no mos oinsa ita bele partisipa, bele hakat mai edifisiu ADRA iha Viqueque no Dili, no mos bele kontaktu 75323130 (ADRA Viqueque) ka 77343963 (ADRA Dili).

Fonte: Adventist Development and Relief Agency (ADRA)

Notísia Hotu-Hotu >