Fiu Fibra Ótika Balun Estraga Tanba Impaktu Husi Manutensaun Fiu Eletrisidade

Díli, 23 Setembru 2019 -  Ekipa Tékniku Timor Telecom (TT) hasoru malu ho Diretór Ezekutivu Ajénsia Tecnologia da Informação e Comunicação (TIC) TIMOR I.P, Roberto Sousa Vicente (iha 10 Setembru 2019), hodi informa kona-ba fiu Fibra Ótika ne’ebé hetan estragus tanba impaktu husi manutensaun fiu eletrisidade ne’ebé hala’o husi kontratór ne’ebé kontrata husi Eletrisidade de Timor-Leste (EDTL).

Iha enkontru ne’e, Diretór Sistema Informasaun TT, Ladislau Saldanha informa katak, iha difikuldade oituan ba sira tanba servisu EDTL nian bainhira halo intervensaun ruma liña Fibra Ótika sempre afeita. Kazú ne’e la’ós foin akontese agora, tanba ne’e, bainhira projetu hotu maka laiha liña koordenasaun ne’ebé di’ak, bele impede TIC TIMOR I.P nia servisu ba oin. Nune’e nia parte sujere atu kria liña koordenasaun ne’ebé di’ak ho EDTL nune’e bele halo prevensaun ba kestaun ida ne’e iha futuru.

Ladislau mós informa katak Back up link iha Camea seidauk monta tanba EDTL sei halo sira nia servisu kada fin-de-semana. Sira troka poste tuan ba poste foun. Servisu ida ne’e sira halo seidauk hotu.

Diretór Ezekutivu TIC Timor hatete katak nia anota saida maka TT hato’o no nia parte sei marka audiénsia ho parte Ministériu Obras Públika (MOP) hodi halo enkontru koordenasaun entre TIC TIMOR I.P, TT no MOP. Bainhira iha ona aseitasaun husi MOP, TIC TIMOR sei haruka karta ba TT hodi forma ekipa konjuntu entre instituisaun tolu ne’e ba sérvisu manutensaun ne’ebé sira halo iha kada estasaun ne’ebé infraestrutura eziste ba.

Fonte: Mídia TIC Timor IP


VAGA SERVISU
Short-Term Data Entry Support ($150/Month) Data ikus submissaun: 09/03/2020

Kaebauk Investimentu no Fin ... [Info Kompletu]

Upcycling Senior Technical Officer (Re-advertised - National Position) Data ikus submissaun: 04/03/2020

Mercy Corps Timor-Leste is ... [Info Kompletu]

ANÚNSIU & EVENTU
EoI for Procuring Printing Services Vale to'o: 06/03/2020

Chemonics International und ... [Info Kompletu]

Call for BID - Renovation of Kaebauk Office Vale to'o: 02/03/2020

The Kaebauk Investimentu no ... [Info Kompletu]

Brosura Timor News (Foun) Vale to'o: 31/12/2020

Ami haksolok hodi fahe ami ... [Info Kompletu]

Notísia Ikus Liu
Polítika 29/02/2020
<< KM Deside Kompañia MATO Hodi Fornese Kombustível Ba Sentrál Elétrika Hera Lote-1 >>
Semináriu 28/02/2020
<< Unicef Realiza Atividade Inovasaun ba Labarik Sira Iha Timor-Leste >>
Treinamentu 28/02/2020
<< MOP Fó Treinamentu ‘Training on Survey’ Ba Supervizór Sira Hosi Munisípiu Tolu >>
Saúde 28/02/2020
<< Atualizasaun Informasaun Surtu Vírus Corona Ne’ebé Espalla Iha Mundu Tomak >>
Internasionál 28/02/2020
<< PM Japaun Fó Feriadu Ba Eskola Primária No Sekundária Hodi Evita Vírus Corona >>
Edukasaun 28/02/2020
<< UNTL Prepara Ona Ezemplar Livru 50.272 Ba Estudante, Dosente No Pekizadór Sira >>
Saúde 28/02/2020
<< MS Esklarese Informasaun Loloos Kona-Ba Suspeitu Kazu Vírus Corona Iha TL >>
Kooperasaun 28/02/2020
<< Governu Koreanu Sei Kontrui Sentru Aprendizajen Lian Korea No Taekwondo Iha Oekusi >>
Seguransa 28/02/2020
<< NCIS Koopera Ho ERS Oferese Semináriu No Treinamentu Tátiku Ba Seksaun Anti Terorizmu PNTL >>
Inséndiu 28/02/2020
<< Ahi-Han Colégio Infante de Sagres Maliana >>
Notísia Hotu-Hotu >