Foinsa’e 256 Tuir Kursu “English For Jobs” Iha Sentru Formasaun Tibar No Bekora

Díli, 27 Setembru 2019- Sekretáriu Estadu Formasaun Profisionál no Empregu (SEFOPE), Julião da Silva reprezenta Ministru Koordenadór Asuntu Ekonomia (MKAE) hodi abertura programa “ English for Jobs” iha sentru formasaun Senai Bekora.

Programa ida ne’e realiza bazeia ba Memorandum Entendimentu SEFOPE ho ISAT no mós akordu kooperasaun entre ISAT ho sentru formasaun Bekora no mós sentru formasaun Tibar ho nia programa maka naran "English for Job".

Programa ne’e hetan apoiu orsamentu husi Fundu Dezenvolvimentu Kapitál Humanu (FDCH) hodi bele fó kursu ba foinsa’e sira atu hetan servisu iha rai laran no mós rai liur, liu-liu kandidatu sira ne’ebé tuir ona teste ba programa SWP (Seasonal Worker Program) no mós PLS (Pacific Labour Scheme).

Iha biban ne’e SEFOPE husu ba joven nain 256 ne’ebé tuir kursu ba programa ne’e atu kontinua hodi aproveta hó didi’ak, tanba reprezenta foinsa’e rihun ba rihun ne’ebé iha nivél teritóriu Timor-Laran laran tomak labele hetan oportunidade.

Fonte: Mídia Secretariado de Estado para Formação Profissional e Emprego (SEFOPE)

Notísia Hotu-Hotu >