Japaun Sei Konstrui Eskola Rua 'Ida Iha Ainaro No Ida Iha Ermera'

Embaisada Japaun iha Timor-Leste realiza serimónia asina kontratu ba konstrusaun eskola rua iha munisípiu Ainaro no Ermera.

Projetu rua ne’e sei remata iha tinan ida nia laran ho objetivu atu mellora ambiente aprendizajen no sanitáriu estudante no manorin sira nian iha área rurál.

Ministra Edukasaun Dulce Soares, Juventude no Desportu, iha ninia diskursu, agradese ba Governu Japaun nia asisténsia iha setór infraestrutura edukativa, tanba Governu Timor-Leste tau prioridade atu mellora ambiente aprendizajen ba estudante no manorin sira.

Iha fatin hanesan, Embaisadór Interinu Japaun ba Timor-Leste, HIGASHIMOTO enkoraja Organizasaun Naun Govermentál (singla Inglés, NGO) ne'ebé nu'udar implementadór, Institutu Matadalan Integradu (IMI) no Fundasaun Feto Hadomi Familia (FFHF) atu iha kooperasaun di’ak ho autoridade no komunidade sira iha baze hodi bele implementa projetu ne’e ho susesu.

Fonte: Mídia Embassy of Japan in Timor-Leste

Notísia Hotu-Hotu >