Lansamentu Kuda Produtu Bafo Kay Rala iha Manelobas Maubisi

Maubisi, 6 Fevereiru 2020 - Sekretáriu Estadu Dezenvolvimentu Kooperatíva (Sigla Portugés, SECoop), Arsenio da Silva, Ministru Agrikúltura hamutuk ho Kooperativas, Multi-Sektorál MOKATIL kontinua kuda Bafo Kay Rala iha Suku Manelobas Postu Maubise-Ainaro. Hafoin kuda SECoop ho ekipa kontinua kedas koilleta koto komunidade sira nian.

Hafoin kuda Bafo Kay Rala Sekretáriu Estadu Kooperatíva afirma katak kada tinan-tinan sempre iha ai-han tanba la iha diversifikasaun ba produtu sira seluk. Bainhira kuda iha rai lolon ne'e iha ninia funsaun rua, ida mak satan rai halai no ida seluk mak ita utiliza hotu Bafo Kay Rala tomak hahú hosi nia kain to'o ninia funan. Aleinde bafo iha mós hanesan produtu sira seluk hanesan batar, koto, no seluseluk tan.

“Ho ida ne'e mak bainhira halo lansamentu hotu, ita sei ba koilleta koto no bainihira iha diversifikasaun ba komunidade sira seluk hodi fornese ba konsumidór sira liu-liu Timor oan tanba durante ne'e ita depende deit ba komunidade ida ne'e mak tinan-tinan sempre hasoru ba ai-han maibé kuandu diversifíka produtu iha rasik no ita sei la susar ba aihan”, dehan SECoop.

Iha tempu hanesan produtór sira senti kontenti ho prezensa Sekretáriu Estadu nia iha sira nia fatin hodi haree direita sira nia produtu hirak ne'ebe mak durante ne'e sira produz nomós rona sira nia difikuldade ne'ebé sira infrenta iha baze.

 

Fonte: Mídia Secretário do Estado Cooperação (SECoop)

Notísia Hotu-Hotu >