Tiruteiu Iha Tailándia Hamate Ema Na’in 29

Tiruteiu ne’ebé akontese iha sentru kompras Korat, Provínsia Nakhon Ratchasima, Tailándia, hahú hosi Sábadu (8 Fevereiru) to’o Domingu (9 Fevereiru hamate ema na’in ruanulu-resin-sia, inklui suspeitu ne’ebé nu’udar mós militár ida, Serma Jakraphanth Thomma.

Tuir informasaun ne’ebé relata hosi Associated Press (AP), tiruteiu ne’ebé akontese durante oras 16 ne’e rezulta ema limanulu-resin-hitu kanek. Motivu hosi insidente ne’e deskonfia disputa komersiál entre Jakraphanth ho nia Xefe, Koronél Anantarote Krasae.

Testamuña ida deklara katak, nia iha hela sentru kompras ne’e molok insidente akontese no fatin refere nakonu ho vizitante. Suspeitu husi akontesimentu ne’e karega imajen ida iha nia pájina facebook wainhira insidente akontese hela, hodi dehan “Ha’u tenki entrega an?”, “Laiha ema ida mak bele hadook an husi mate”, hatutan suspeitu.

Fonte: CNN Indonesia

Notísia Hotu-Hotu >