DGAS Hahú DED Bee No Saneamentu Ba Munisípiu Haat

Dili, 11 Fevereiru 2020 - Diretór Jerál Bee no Saneamentu (Sigla Portugés, DGAS) Gustavo da Cruz, akompaña hosi Diretór DNSA Eduardo Ximenes no Koordenadór WatSan PMU Amelio Quintas loke “Reuniaun Inisiál” ba Projetu Konsultária Servisu “Dezeñu Detallu Enjiñaria”- DED ba Fornesimentu Bee no Saneamentu ba Kapitál Munisípiu haat (4) Timor-Leste (REP/039/MOP-2019) iha sala enkontru DNSB-DGAS, Kaikoli Díli.

Aprezentadór ba Reuniaun Inisiál ne’e mak Ekipa Lidér no Engiñeiru hosi Kompañia Aguas de Portugal (AdP) Timor – Leste Unipessoal, Lda ne’ebé mak sei implementa projetu refere, sira aprezenta no esplika prosesu preparasaun Dezeñu Detallu Enjiñaria – DED Sistema Bee no Saneamentu iha Kapitál Munisipiu 4, mak hanesan Munisípiu, Baucau, Lospalos, Viqueque no Manufahi.

Partsipantes ba Reuniaun Inisiál ne’e mak Diretór Geral-DGAS, Diretór DNSA, Diretór SMAS Munisipiu 4, Ekipa Lidér no Engiñeiru sira hosi AdP, reprezentante hosi DGAF-MOP, ADN, PMU-WatSan, Asesór DGAS no Xefi Departamentu Apoiu Tékniku balun iha DGAS.

 

Fonte: Mídia Serviço Água e Saneamento (SAS-MOP)

Notísia Hotu-Hotu >