Lere: Labele Halimar Ho Soberania Nasaun

Dili, 12 fevereiru 2020 - Xefe Estadu Maior-Generál Falintil-Forsa Defeza Timor-Leste (F-FDTL), Majór-Jenerál Lere Anan Timur, iha enkontru semanal ho Prezidente Francisco Guterres Lú Olo, konsidera situasaun seguransa rai-laran di’ak maibé preokupa ho utilizaun la responsável mídia sosiál hosi individu ka grupu balun ne-ebé bele kontribui ba instabilidade seguransa iha rai-laran no nia konsidera hirak ne’e hanesan ema ne’ebé lakohi Timor-Leste nia ukun-an.

Majór-Jenerál Lere husu sidadaun hotu  atu labele halimar ho nasaun nia soberania.

“Ema sira ne’ebé tolok líder sira, mal trata lider sira, halo ajitasaun oioin, iha facebook, iha media, ha’u hanoin katak sira di’akliu evita lalika halo beibeik. Sei to’o momentu ida ami sei toma ami-nia pozisaun. (...) Se ita hakarak moris iha Timor, hotu-hotu hakarak Timor nia di’ak, Timor nia dezenvolvimentu”, apela Majór-Jenerál Lere Anan Timur.

Fonte: Mídia Presidente da República (PR)

Notísia Hotu-Hotu >