Papa Francisco Sei La Permite Mane No Feto Kaben-Na’in Atu Sai Padre No Madre

Vatikanu, 12 Fevereiru 2020 – Papa Francisco rejeita proposta ida husi Bispu sira ne’ebé halo wainhira realiza enkontru istóriku ida iha Outubru liubá, hodi ko’alia kona-ba atu permite ordenasaun ba mane ne’ebé kaben-na’in ona hodi sai padre iha área remota sira.

Desizaun Papa Francisco nian, iha karta papál ho podér doutrina Igreja nian ne’ebé Vatikanu divulga ba públiku iha Kuarta ne’e, sai surpreza ida ba ema barak, ho nia resposta nakloke ba pergunta kona-ba Selibatu Saserdotál iha “fatin dook sira” hodi hateten, sei la permite mane ne’ebé kaben-na’in ona atu sai padre no feto kaben-na’in atu sai madre.

Konselleiru sira ne’ebé besik liu Papa hateten, sira rekoñese katak Papa nia impaktu diminui ona iha senáriu global, liuliu iha kestaun sentrál sira hanesan imigrasaun no ambiente.

Papa nia rejeisaun atu permite padre kaben-na’in, provavelmente sai nu’udar ksolok ida ba konservadór sira, nune’e, barak mak hakbesik an hodi haree Papa Francisco no Nia énfase ba Igreja ne’ebé pastorál no inkluzivu liu tan sai hanesan ameasa boot ba regra, ortodoxia no tradisaun fiar nian.

Fonte: Google News

Notísia Hotu-Hotu >