Iha Tempu Badak Bolseiru Timoroan Na’in-17 Iha NZ Sei Fila Mai TL

Díli, 13 Fevereiru 2020 – Primeiru Ministru VIII governu konstitusionál, Taur Matan Ruak halo sorumutu ida ho Prezidente Repúblika Francisco Guterres Lú Olo. 

Iha enkontru ne’e, Taur Matan Ruak ko’alia kona-ba governu nia funsionamentu no servisu sira durante ne’e, inklui kondisaun estudante bolseiru timoroan na’in sanulu-resin-hitu (17) ne’ebé oras ne’e sei kumpri hela rekezitu saúde iha Nova Zelándia.

Iha biban ne’e, Primeiru Ministru informa mós katak, to’o oras ne’e, seidauk iha kazu Vírus Corona ne’ebé identifika iha Timor-Leste, no iha tempu badak nia laran, bolseiru timoroan 17 ne’ebé iha hela Nova Zelándia (NZ) sei fila mai Timor-Leste (TL), tanba husi rezultadu kuarentena, entre na’in 17 ne’e, laiha ida mak afeita Vírus ho naran ofisiál Covid-19 ne’e.

Fonte: Mídia Presidente da República (PR)

Notísia Hotu-Hotu >