SEA No Mercy Corps Asina MoU Kombate Plástiku Iha Timor-Leste

Dili,13 Fevereiru 2020 – Sekretariu Estadu Ambiente (SEA) no Mercy Corps asina ona Nota Intendementu (sigla inglés, MoU) ba koperasaun kombate plástiku ho hasa’e rezilénsia ba risku alterasaun klimátika no desastre naturál iha edifísiu SEA, Mandarin.

Objetivu hosi MoU ne'e atu hametin liután asaun iha baze no mós programa ne’ebé iha relasaun ho alterasaun klimátika no kombate plástiku iha Timor-Leste, no viabiliza kooperasaun parte rua ba oin iha área mudansa klimátika no mós adaptasaun.

Reprezentante Country Diretor Mercy Corps, Margaret Mclouglhin iha nia intervensaun hateten, seremónia asina MoU ne'e reprezenta kolaborasaun importante Entre Mecy Corps no SEA tanba relasiona ho problema klimátika ne'ebé mak ohin loron mundu hasoru, presiza kolaborasaun husi entidade hotu-hotu ho Governu, NGO, Organizasaun Sosiedade Sivíl no setór privadu, atu servisu hamutuk hodi hasoru Problema ne'e“, Margareth hateten.

Intervensaun SEA iha seremonia asinatura hateten katak “Mercy Corps Hanesan NGO internasionál ida ne'ebé iha oportunidade kapitaliza fundu husi Ajénsia barak hanesan, COICA, Uniaun Europeia, USAID, dadauk ne'e sira iha Fundu atu kombate asuntu probelma plástiku iha Timor-Leste ami haree sira nia programa aliña tebes ho Politika Governu nia Politika Zero Plastiku ne'ebé SEA rasik lidera tanba ne'e ami realiza kooperasaun ida ne'e atu hametin liután asaun sira iha baze no programa sira iha relasaun alterasaun klimátika no mós kombate Plástiku.“

Seremónia asinatura MoU ne'e partisipa hosi Diretór Jerál Ambiente, Diretór Nasionál iha ámbitu Sekretária Estadu Ambiente no mós Staff mercy Corps.

Fonte: Mídia Sekretariu Estadu Ambiente (SEA)

Notísia Hotu-Hotu >