Reinu Unidu Sei La Simu Traballadór La Kualifikadu No La Hatene Inglés

Reinu Unidu, 19 Fevereiru 2020 – Reinu Unidu sei la simu traballadór estranjeiru ne’ebé la kualifikadu - ‘sei afeita ba  traballadór sira ne’ebé servisu iha fábrika, otél no restaurante sira’ nune’e mós sira ne’ebé la hatene ko’alia Inglés. Regra ne’ebé hanesan mós sei aplika ba estudante sira – tenke hatene ko’alia Inglés, oferta hosi Universidade Británika no prova atu bele sustenta moris iha Reinu Unidu.

Medida ne’ebé Governu Británika aprezenta iha Kuarta-Feira (19/02), introduz sistema bazeia ba pontus, ne’ebé inspiradu hosi sistema Australianu, ne’ebé sei determina imigrante sira ne’ebé mak bele tama iha Reinu Unidu hodi servisu.

Serka metade hosi Portugés sira ne’ebé servisu iha Reinu Unidu la kualifikadu tanba halo hela servisu ‘mao-de-obra baratu’.

Governu hateten katak medida ne’e atu obriga hasai traballadór sira ne’ebé mai hosi liur hodi halo ‘servisu mao-de-obra baratu’ atu nasaun halo ‘kontrolu absolutu’ ba iha fronteira hodi kumpri Brexit ne’ebé eleitoradu sira vota bá.

Regra foun ne’e tuir estimativa sei aplika komesa Janeiru 2021 depois Reinu Unidu husik tiha akordu livre movimentu no merkadoria Uniaun Europeia nian.

Tuir regra foun, atu servisu iha Reinu Unidu imigrante tenke to’o 70 pontus – Nível Inglés ne’ebé presiza (seidauk defini) vale 10 pontus, Padriñu/Esponsor vale 20 pontus, Oferta servisu ne’ebé adekuadu ho nível edukasaun vale 20 pontus no manan saláriu liu 25.600 Libras kada tinan vale 20 pontus.

Fonte: Lusofonia News

Notísia Hotu-Hotu >