Xanana: Importante Tebes Atu Ita Kombate Mudansa Klimátika

Dili, 27 Fevereiru 2020 – Timor-Leste nu’udar uma na’in realiza Semináriu Forum Rejionál ASEAN (sigla Inglés, ARF) ne’ebé ko’alia kona-ba ‘Rezolusaun Disputa no Direitu Tasi Nian’. 

Iha diskursu prinsipál Xefe Negosiadór Fronteira Marítima, Xanana Gusmão hateten katak importante tebes atu ita kombate mudansa klimátika no kuidadu biodiversidade. 

“Tasi importante tebes ba ita nia sobrevivente. Nia hanesan mahan ba 80% hosi buat moris tomak, importante tebes atu ita kombate mudansa klimátika, kuidadu biodiversidade no produz hahan, empregu no rekursu enerjia ne’ebé nasaun sira depende tebes ba.

Governansa tasi nian ne’ebé diak tuir lei tasi nian ne’e importante tebes hodi proteje ita nia futuru no promove dame no seguransa globál. Ida ne’e inklui rezolusaun ba disputa marítima sira ne’ebé bele kria tensaun jeopolítika – fahe nasaun sira no iha tempu ne’ebé tuir loloos ita tenke hamrik hamutuk.”, Dehan Xanana.

Fonte: Mídia Gabinete Fronteiras Marítimas

Notísia Hotu-Hotu >