PM Japaun Fó Feriadu Ba Eskola Primária No Sekundária Hodi Evita Vírus Corona

Tókiu, 27 Fevereiru 2020 – Primeiru Ministru (PM) Japoneza Shinzo Abe, informa katak Governu Japonés husu ba eskola hotu-hotu nível Primária no Sekundária iha Japaun hodi fó loron feriadu ba atividade aprendizajen atu evitá vírus Corona. Feriadu sei hahú iha loron 2 marsu to’o abríl tinan ne’e.

”Governu konsidera saúde no seguransa ba labarik sira ne’e importante iha ne’ebé deit”, dehan PM iha reuniaun forsa tarefa governu nian hodi kombaté vírus Corona ou Covid-19 hanesan relata iha Reuters (27/2).

To’o agora, autoridade Japoneza konfirma ona kazu vírus corona atus-ida-ualu-nulu-resin-sia (189) iha Japaun no na’in haat (4) mak mate ona.

Totál númeru kazu Vírus Corona atus-hitu-lima (705) ne’ebé maihosi roo ho naran Diamond Princess no prosesa iha karantina durante semana rua iha portu Yokohama, Japaun.

To’o ema na’in ualu (8) mate afeta ba vírus iha Japaun inklui mos pasajeirus roo Diamond Princess na’in haat (4).

Autoridade Japoneza mos enfrenta krítika kona-ba maneira responsavél karantina iha roo Diamond Princess tanba pasajeirus atus-hitu (700)  iha roo ne’e hetan rezultadu positivu ba VÍrus Corona.

Fonte: Mídia Gabinete do Primeiro Ministro (GPM)

Notísia Hotu-Hotu >