Atualizasaun Informasaun Surtu Vírus Corona Ne’ebé Espalla Iha Mundu Tomak

Dili, 28 Fevereiru 2020 - Gabineti Primeiru Ministru Timor-Leste fahe ba públiku informasaun kona-ba Surtu Vírus Corona ka COVID-19 ne’ebé atualiza hosi Organizasaun Mundiál ba Saúde (OMS) iha loron 27 Marsu 2020.

Tuir dadus hosi OMS nian, globalmente kazu Vírus Corona iha 82.294 kazu ne’ebé konfirma ona no hosi total ne’e iha kazu foun hamutuk 1.185. 

Xina nu’udar nasaun risku tebes ba Vírus Corona - iha  78.630 Kazu ne’ebé konfirma ona no vítima ne’ebé mate hamutuk na’in 2.747.

Vírus Corona alarga ona ba nasaun hamutuk 46 no nasaun ne’ebé afeitadu makaas aleinde Xina mak Korea ne’ebé iha 1.595 kazu, Itália iha 453 kazu, Japaun iha 189 kazu no Iraun iha 139 kazu. Nasaun sira seluk nia kazu sei menu hosi 100 no Timor-Leste agora dadaun sei livre hosi Vírus Corona. 

Governu liuhosi Ministeriu Saude kria ona ekipa Task Force ho Ministériu Relevante, serbisu hamutuk Reprezentante OMS iha Timor-Leste halo hela preparasaun hodi halo prevensaun ba kazu KOVID-19.

Fonte: Mídia Gabinete do Primeiro Ministro (GPM)

Notísia Hotu-Hotu >