Unicef Realiza Atividade Inovasaun ba Labarik Sira Iha Timor-Leste

Dili, 28 Fevereiru 2020 - Unicef Timor-Leste realiza no envolve-an iha atividade inovasaun durante semana ida, hahú hosi loron 24 Fevereiru to’o ohin, ne’ebé inklui mós funsionáriu inspiradór husi D-Lab Institutu Teknolojia Massachusetts (sigla Inglés MIT), Insper Brazil no Politékniku Singapura, hodi ezamina ideia no maneira foun ne’ebé bele projeta no implementa programa ba labarik sira iha rai-laran.

Durante atividade, iha ekipa neen (6) ne’ebé hamosu ideia brillante neen (6) kona-ba hadi’a nutrisaun, rejistu ba nasimentu, uzu ba Teknolojia Informasaun no Komunikasaun (sigla portugés, TIC) iha edukasaun, kapasita profesór sira no oferese oportunidade ba joven sira. Ekipa mos kria naran inovativu ba ideias hirak ne’e hanesan Nabilan Fitun Kiik, Magical Spoon no seluk tan. 

Wainhira atividade ne’e remata, ekipa ida-idak halo aprezentasaun ba sira nia ideia, liuhosi kriasaun no konstrusaun modelu ba utilizasaun prátika ideia iha vida reál.

Fonte: Mídia UNICEF Iha Timor-Leste

Notísia Hotu-Hotu >