KM Deside Kompañia MATO Hodi Fornese Kombustível Ba Sentrál Elétrika Hera Lote-1

Dili, 28 Fevereiru 2020 – Konsellu Ministru (KM) iha enkontru ordináriu ne’ebé lidera hosi Priméiru Ministru (PM), Taur Matan Ruak, iha Palásiu Governu, aprova proposta deliberasaun ba ajudikasaun kontratu fornesimentu kombustível ba Sentrál Elétrika Hera Lote-1 ne’ebé aprezenta hosi Ministru Obras Públikas (MOP), Salvador Pires.

KM deside kompañia MATO Unip. Lda, mak sei fornese kombustível ba Sentrál Elétrika Hera Lote-1 hamutuk ho kompañia ETO Unip. Lda.

Dileberasaun ba kontratu ne’e aprova hodi garante fornesimentu enérjia eletrisidade ba teritóriu Timor laran tomak, esesaun Rejiaun Administrativa Espesiál Oekusi Ambeno (RAEOA) no Ataúro. 

Governu aprova ajudikasaun ba kontratu ne'e bazeia ba proposta no relatóriu tékniku hosi Komisaun Nasionál Aprovizionamentu (sigla POrtugés, CNA) no sei haruka ba atu hetan vistu préviu husi Kámara Kontas tuir lei ne'ebé iha.

Fonte: Mídia Ministério das Obras Pública (MOP)

Notísia Hotu-Hotu >