MAP Halo Lansamentu Kuda Hare Uza Adubu Orgániku Iha Irigasaun Oebaba

Covalima, 2 Marsu 2020 - Ministru Agrikultura no peskas (MAP), Joaquim Martins, halo lansamentu kuda hare hamutuk ektares hatnulu (40), ne'ebé sustenta hosi irigasaun Oebaba suku Raimea postu Administrativu Zumalai.

Objektivu hosi lansamentu ne’e hodi koko uza adubu orgániku Popnasa, Supernasa no Armónika iha área ektares hatnulu (40), atu natar nain sira bele hatene ninia rezultadu. Wainhira rezultadu di’ak sei sai hanesan pilotu ida atu bele implementa iha área ne’ebe luan liu tan.

Hodi bele uza nafatin adubu organiku ne'e, tinan oin sei implementa iha área irigasaun hanesan Oebaba, karau ulun, Builutu, Bebui, Maliana 1 no Tono. Objetivu hosi uza adubu organiku ne'e hodi habokur fila-fali rai ne’ebé antes ne’e uza ona adubu kimika.

Lansamentu ne’e akompaña hosi Administradór Munisípiu Kovalima, Komandante Polísia Munisípiu, Autoridade Lokál, Veteranus, Estensionista, Funsionáriu Ortikultura no Komunidade sira.

Fonte: Mídia Ministério da Agricultura e Pescas (MAP)

Notísia Hotu-Hotu >