Iha Tendensia Atu Akontese Udan Maibé Ho 'Intensidade Fraku' Iha Loron Ohin

Dili, 14 Marsu 2020 – Relasiona ho preokupasaun hosi komunidade sira kona-ba previzaun udan-been ba loron ohin(14 Marsu), ho dúvida katak karik iha posibilidade atu akontese tan udan ho "intensidade muito forte" hanesan horseik nune’e, Meteoklima Timor-Leste (sígla portugés, TLMC) hakarak informa katak ‘Previzaun ba loron ohin bazeia ba komparasaun hosi modelu meteorológiku sira hotu konklui katak iha tendénsia atu akontese udan maibé ho intensidade fraku’.

Eventu ne'e sei akontese iha rejiaun sentrál hosi Illa Timór (rejiaun sira ne’ebé iha foho barak).

Previzaun ba kapitál Dili, ohin iha probabilidade atu akontese udan ho intesidade fraku, maske nune'e probabilidade ne'e rasik ho persentajen ne'ebé mak ki'ik. Anota hela katak previzaun ne'e rasik sei hetan atualizasaun iha instante tuir mai, karik iha mudansa.

Fonte: Mídia MeteoClima Timor-Leste

Notísia Hotu-Hotu >