UNTL Halo Limpeza Iha Área Ne’ebé Afeita Hosi Inundasaun

Dili, 18 Marsu 2020 - Universidade Nasionál Timór Lorosa’e (UNTL), liuhosi sivita akadémika ne’ebé kompostu hosi estudante, dosente no funsionáriu hala’o limpeza iha loron 17-18 Marsu iha área sira ne’ebé afeita hosi inundasaun no akontese iha parte leste kapitál Díli, hanesan Bekora, Bekusi, Taibesi, Kuluhun no Balide.

Relasiona ho atividade refere, Administradór Jerál UNTL, Lourenço Rodrigues Pereira, iha kampus sentrál UNTL, hateten katak universidade hola parte iha limpeza bazeia ba sirkulár ne’ebé Governu Emita iha segunda-feira ne’e.

“Bazeia ba sirkulár Governu nian maka loron rua 17 no 18 marsu ne’e, UNTL nia estudante, dosente no funsionáriu sira iha toleráriu atu hala’o limpeza iha lokál ne’ebé afetadu ba inundasaun”, dehan Lurenço Rodrigues.

Administradór Jerál hatutan tán katak atividade ne’ebé hala’o hosi universidade nasionál mak atu kontribui hodi mantéin Kapitál Dili livre hosi lisu no inundasaun.

Fonte: Mídia Universidade Nacional Timor Lorosa'e (UNTL)

Notísia Hotu-Hotu >