Iha Probabilidade Atu Akontese Hikas Udan Hanesan 13 Marsu Liubá

Dili, 21 Marsu 2020 – Bazeia ba observasaun ne’ebé Meteoklima Timor-Leste (sigla Inglés, TLMC) halo, liuhosi imajen satélite no modelu meteorolójiku nota katak, formasaun kalohan iha simililaridade ho formasaun kalohan iha loron 13 Marsu liubá, ne'ebé lori udan ho intensidade moderadu to'o forte.

Área sira ne'ebé probabilidade boot atu akontese udan ho intensidade moderadu to’o forte entre 21 to’o 22 Marsu mak hanesan Lautén, Baukau, Vikeke, Dili, Likisá, Ainaru, Aileu, Kovalima, Maliana, Ermera, Same, Ataúru no Oekusi.

Ho ida ne'e TLMC aproveita oportunidade hodi hakarak hato’o ba komunidade sira ne'ebé mak hela iha fatin risku atu bele atenta ba eventuál ida ne'ebé ita hotu la espera.

Fonte: Mídia MeteoClima Timor-Leste

Notísia Hotu-Hotu >