Rúsia Sei Adia Eleisaun Prezidensiál Tanba Covid-19

Rúsia, 25 Marsu 2020 - Prezidente Rúsia Vladimir Putin adia eleisaun prezidensiál, liuhosi mudansa konstituisaun, tanba preokupasaun pandemia Koronavirus.

Putin dehan katak prioridade absoluta agora mak ema nia saúde, vida no seguransa. Nune’e, votasaun, ne’ebé mak antes ne’e marka ona atu realiza iha loron 22 Abríl tinan ne’e, sei adia ba data tuir mai ne’ebé seidauk determina.

Proposta ba mudansa ne’e inklui mos suspensaun ba proibisaun ne’ebé mak permiti Putin hodi bele konkore fila-fali ba kargu refere. Proposta ida ne’e hetan ona aprovasaun husi Rúsia nia Parlamentu no Tribunál Konstitusionál. Nune’e, permiti mós Putin atu bele konkore fila fali ba Eleisaun Prezidensiál tinan ne’e.

Iha parte seluk, Putin anunsia katak povu Rúsia sei la servisu iha semana oin, hodi bele diminui velosidade ba infeksaun COVID-19. Maibé, nia alerta katak impossível atu impede propagasaun vírus iha Rúsia tamba tamañu país ne’ebé mak boot.

Rúsia agora dadauk iha kazu Covid-19 pozitivu hamutuk 658, nain-29 mak rekupera ona no mate ona iha nain-2.

Fonte: BBC News

Notísia Hotu-Hotu >