Prezidenti Indonézia Jokowi nia Inan Hakotu-iis Iha Ospitál Tanba Sofre Moras Kankru

Java, 25 Marsu 2020 - Prezidente Repúblika Indonézia Joko Widodo (Jokowi) nia Inan Sujiatmi Notomiharjo hakotu-iis, iha lorokraik tuku 16:45 Oras Indonézia Osidentál, iha Solo, Sentrál Java - Indonézia.

Sujiatmi hakotu-iis ho idade 77, wainhira halo hela tratamentu saúde iha ospitál RST Slamet Ryiadi Solo. Jokowi hateten katak nia Inan ne’e sofre moras kankru (seidauk hatene los moras kankru saida) durante tinan haat (4) ona no infelizmente to ikus la konsege salva.

Jokowi husu hotu-hotu nia orasaun, atu Nai Maromak haraik perdaun ba nia Inan nia sala no simu nia iha Nai Kadunan Santu.

Fonte: Kompas Indonesia

Notísia Hotu-Hotu >