Apple Lansa Site Edukativu Hodi Ajuda Alunu No Profesór Sira Aprende Hosi Remota

Estadus Unidus Amérika, 24 Marsu 2020 - Kompania Apple lansa site ka portál edukativu online hodi ajuda alunu no profesór sira atu aprende hosi remota, hodi responde ba pandemia Koronavirus.

Eskola barak iha mundu mak agora daudaun ne’e taka tanba pandemia COVID-19, maibé Apple prontu atu ajuda edukadores sira, liuhosi site foun ne’ebé mak sai hanesan matadalan ba profesores sira hodi bele aproveita másimu prosesu aprendizajen hosi remota ba alunu hotu ne’ebé mak uza produtu Apple.

Site Apple Education Learning Series (www.apple.com/education) aprezenta kolesaun vídeo ne’ebé dedika ba estudante no edukadór sira husi kategoria ba idade hotu. Agora daudaun, eziste deit vídeo rua (2) iha site, maibé Apple dehan katak sei aumenta tán.

Fonte: www.cultofmac.com

Notísia Hotu-Hotu >