Covid-19: Dionísio Babo Husu Ba Timoroan Iha Rai-Li’ur Labele Fila Mai Timor

Dili, 07 Abríl 2020 - Ministru Negósiu Estranjeiru no Kooperasaun (MNEK), Dionísio Babo Soares, husu ba Timoroan ne’ebé iha rai-li’ur atu labele fila mai Timor-Leste tanba sei hamosu problema oioin relasiona ho virus corona.

“Lori Governu nia-naran, Ministériu Negósius Estranjeirus no Kooperasaun husu tiha ona, no husu nafatin dala-ida tan ba timoroan hotu-hotu ne’ebé hela iha rai liur, agora ne’e la’ós tempu atu fila mai Timor. Agora ne’e favor ida hela hotu iha ne’ebá kuidadu-án. Governu sei hare tok meius oinsa liuhosi embaixada sira atu ajuda no apoia, maibé favor-ida labele fila mai Timór, hela iha ne’ebá tanba ita prevé katak iha semana ida ka rua ba oin ita taka kompletamente ita-nia fronteira sira hotu”, dehan MNEK.

Dionísio Babo Soares afirma ba jornalista sira relasiona ho asuntu propagasaun surtu Vírus Corona, hafoin partisipa serimónia simu Karta Kredensiál hosi Embaixadór Japaun ba Timor-Leste iha Palásiu Prezidensiál Aitarak-Laran.

Fonte: Mídia Ministéiro do Negócio Estrangeiro e Cooperação (MNEC)

Notísia Hotu-Hotu >