Kada Família Sei Hetan Subsídiu $100.00 Kada Fulan Hosi Governu Durante Estadu Emerjénsia

Dili, 08 Abríl 2020 – Haree ba problema ekonomia nasionál kauza hosi Covid-19, Ministru Koordenadór ba Asuntu Ekonómiku (MAKE) iha ezersísiu, Fidelis Manuel Leite Magalhães, aprezenta medida rezolusaun balu ne’ebé fahe ba área prinsipál 8 (ualu), inklui medida sira relasiona ho distribuisaun ba sasán esensiál sira, liña kréditu, izensaun fiskál no subsídiu ba sidadaun sira.

Hosi medida hirak ne’ebé aprezenta, área daualu nian, hanesan área ikus husi atuasaun refere ba asisténsia direita, mak hanesan apoiu diretu ba populasaun no empreza sira. Apoiu ne'e ho objetivu atu garante katak kada família hetan rendimentu dólar amerikanu atus ida (100) kada fulan, ho fornesimentu hosi partisipasaun salariál hamutuk ho empregadór sira atu fó subsídiu ba traballadór rihun tolu-nulu (30.000), ho izensaun ba pagamentu hosi kontribuisaun seguransa sosiál hosi traballadór no empregadór sira no ho izensaun pagamentu ba emprezáriu sira ne’ebé aluga iha propriedade Estadu nian.

Fonte: Mídia Secretário de Estado Para a Comunicação Social (SECOMS)

Notísia Hotu-Hotu >