Covid-19: Kazu Foun Nafatin Laiha, Pasiente Na’in-8 Mak Sei Iha Izolamentu

Dili, 04 Maiu 2020 – Porta-voz Sentru Integradu Jestaun Krize (SIJK), Odete Viegas, ohin (04/5), iha konferénsia imprensa, informa katak to’o ohin loron Timor-Leste seidauk iha kazu pozitivu ba Covid-19 foun. Kazu rekuperadu mantéin na’in-20, nune’e mos pasiente ne’ebé sei baisa iha izolamentu nafatin na’in-8, no sira ne’ebé sei hein rezultadu teste ho totál 103.

“Dadus totál kumulativu ba teste hamutuk 706, totál numeru ne’ebé mak hein rezultadu laboratóriu hamutuk 103, totál kazu konfirmadu mantéin 24, kazu foun laiha, totál rezultadu laboratóriu negativu 579, totál kazu rekuperadu nafatin 20 (...) ema ne’ebé mak baisa iha izolamentu agora hamutuk ema na’in-8, mate laiha”, informa Odete Viegas.

Fonte: Mídia Palácio das Cinzas

Notísia Hotu-Hotu >