MAP Entrega Motorizada 48 Ba Extensionista Hosi Munisipiu 6 No RAEOA

Dili, 04 Maiu 2020 - Ministru Agrikultura no Peska (MAP), Joaquim José Gusmão dos Reis Martins, Akompaña hosi Dirijente MAP, entrega Motorizada ba Extensionista suku alvu 44 hosi Munisipiu Alvu 6 no Regiaun Espesiál RAEOA, iha edifísiu MAP Komoro, Dili.

Objektivu hosi Entrega Motorizada ba Extensionista sira ne’e mak dezenvolvimentu Agrikultura iha rai laran depende ba iha kontribuisaun tékniku sira iha nivel hotu-hotu hosi nivel Nasionál to'o nivel suku. Tanba ne’e, responde ba situasaun ida ne'e Joaquim Gusmão, iha sorumutu ho PSCI, husu Banku Mundiál atu bele aloka osan hosi projetu SAPIP, hodi fornese Motorizada ba Extensionista sira, Pelu menus iha suku alvu sira. Nune'e MAP liuhosi projetu HAPAS/SAPIP halo akizasaun Motorizada ba Extensionista suku alvu 44, hodi nune’e Extensionista sira bele Hala'o sira nia knaar ho didi’ak.

Alein hosi ne'e, MAP husu ba Administradór no Prezidente Autoridade, inklui Diretór Servisu Municipál Agrikultura sira atu jere didi’ak motorizada hirak ne’e, tanba sei konsidera motorizada ne'e hanesan ‘Patrimóniu Estadu’ nian, nune'e entrega ba Munisipiu ida-idak atu oinsá jere patrimóniu ne'e tanba iha terenu ne'e la’os Extensionista sira de’it mak akompaña agrikultór sira maibé iha mos tékniku sira seluk iha área Floresta, Pekuária no Peska, ne'e duni jere didi’ak patrimóniu hirak ne'e atu nune'e bele fasilita servisu hirak ligadu ho sub-setór sira seluk iha terenu.

Fonte: Mídia Ministério da Agricultura e Pescas (MAP)

Notísia Hotu-Hotu >