Prizaun Becora: Suspeitu Nain-10 Mak Tama Prizaun Preventiva Durante EE

Dili, 08 Maiu 2020 - Fiskalizador PDHJ iha loron 6 Maiu vizita fatin estabelesimentu prizaun Becora ne’ebé lokaliza iha Suku Becora Postu Administrativu Nain Feto Munisípiu Dili.

Diretór Interinu Prizaun Becora informa katak Durante implementasaun Estadu Emerjénsia (EE), númeru suspeitu ne’ebé tama prizaun preventiva hamutuk ema na’in 10 no mane hotu, no númeru ne’ebé hetan ona liberdade hamutuk ema na’in 8.

Tuir dadus atualizadu estabelesimentu prizaun Becora katak, númeru total prizoneiru tuir kategoria iha prizaun Becora hamutuk 598, hosi númeru ne'e, total sira ne’ebé simu ona sentensa hamutuk 462, total sira ne’ebé preventiva hamutuk 136. Entre prezu hirak ne'e iha feto nain 3 no maioria mane hotu.

Fonte: Mídia Provedoria dos Direitos Humanos e Justiça (PDHJ)

Notísia Hotu-Hotu >