Emprezáriu Lokál Sun Star Apoia Foos Tonelada 5 Ba Uma-Kain 246 Iha Manufahi

Manufahi, 09 Maiu 2020 - Emprezáriu Lokál SUN Star, fó apoiu foos tonelada lima ho Mina ba komunidade uma ka’in 246 iha Suku Rotutu, Postu-Administrativu Same.

Joventude ida hosi suku Rotutu, Amorin da Costa hanesan mós komunidade suku refere nian, informa katak emprezáriu SUN Star nu’udar ema Rotutu oan, fó apoiu solidariedade foos tonelada 5, Mina, Supermi, Rinso, no sabaun hodi fahe ba komunidade uma-kain 246 hosi aldeia 5 iha suku Rotutu, kompostu hosi aldeia Sabou uma-kain 64, aldeia Hatuhei 42, aldeia Beretene 59, aldeia Foehei 81 no aldeia Leofa’at ho uma-kain 10.

Amorin da Costa reprezenta komunidade suku Rotutu fó agradesimentu ba emprezáriu SUN Star ne’ebé iha espíritu solidariedade hodi fó ona apoiu hahán ba komunidade suku Rotutu, hodi sustenta nesesidade familia nian, relasiona ho estadu emerjénsia ba prevensauun Covid-19 iha Munisípiu Manufahi.

Fonte: Diáriu "Roman ba Sosiedade" Manufahi

Notísia Hotu-Hotu >