Obama Konsidera Trump Nia Maneira Solusiona Krize Covid-19 Iha EUA Fraku Liu

EUA, 10 Maiu 2020 – Eiz Prezidente Estadus Unidus Amérika (EUA), Barack Obama, kritika Trump nia maneira solusiona Corona iha EUA. Obama hateten katak maneira rezolve kazu Covid-19 hosi Prezidente Donald Trump ne’e hanesan fali 'dezastre ida ho estragus absoluta'. Nia hatutan katak ida ne’e akontese tanba Governu nia mentalidade laiha interese no konsidera la importante. Mentalidade ne’e domina ona governasaun Trump nian.

“Buat ne’ebé ita kontra iha tempu naruk ne’e mak egoízmu. Étniku ne’ebé rahun, no haree ema seluk hanesan inimigu. Ida ne’e sai ona presaun forte ida iha moris Amérika nian”, dehan Obama, iha Sesta ne’e (8/5), wainhira nia halo xamada liuhosi internet ho nia eiz membru governu ida.

“Ne’e mak parte hosi razaun kona-ba tanba sá mak resposta hasoru krize globál ne’e (Covid-19) fraku liu. Ida ne’e sai ona dezastre ne’ebé aat tebes ho sira nia mentalidade katak ‘benifisiu mai hau nee saida’ no ‘tanba sá hau tenke kuida ema seluk’, ida ne’e mak aplika hosi ita nia governu”, hatutan Obama.

Ema barak kritika Trump tanba ho nia polítika duvidozu. Ezemplu, nia oferese ajudu ekipamentu médiku ba rai-li’ur enkuantu iha EUA rasik mos enfrenta hela nesesidade ekipamentu.

Fonte: CNN Indonesia

Notísia Hotu-Hotu >