PNTL Bandu Komunidade Halo Ezersísiu Iha Tasi-Ibun Durante EE

Dili, 14 Maiu 2020 – Komandante Jerál Polísia Nasionál Timor-Leste (PNTL), Komisáriu Faustino da Costa hamutuk ho Adjuntu Mateus Fenandes, ohin (14/5), iha Palásiu Prezidensiál Nicolau Lobato, hala’o enkontru regulár ho Prezidente Repúblika Francisco Guterres Lú Olo, hodi informa kona-ba situasaun seguransa iha Timor-Leste durante Estadu Emerjénsia (EE).

Iha Enkontru ne’e, Komisáriu Faustino hato’o katak jeralmente situasaun la’o hakmatek. Iha parte seluk, haree ba sidadaun balu ne’ebé ladún kumpri regra EE hodi halo ezersísiu iha tasi-ibun, tanba ne’e PNTL bandu komunidade sira labele halo ezersísiu iha tasi-ibun, nune’e ema hotu nafatin kumpri regra ne’ebé Governu implementa ona ba EE liuliu distánsia sosiál.

Fonte: Mídia Presidente da República (PR)

Notísia Hotu-Hotu >