Taur Hatama Ona Lista Naran Membru Governu Foun Ba PR No Hein De’it Fó Pose

Dili, 21 Maiu 2020 – Primeiru-Ministru Taur Matan Ruak, ohin, hatama tiha ona lista naran membru Governu foun no lei orgánika ba Prezidente Repúblika hodi hein kalendáriu hosi Xefe Estadu ba tomada pose.

Xefe Governu kongratula populasaun tomak tanba hatudu maturidade polítika ida ne’ebé aas tebes no sai orgullu boot ida. Taur Matan Ruak husu mos atu povu tomak kontinua hatudu nia sivizmu iha tempu oin mai.

Iha parte seluk, kona-ba pakote ekonómiku ne’ebé aprovadu hodi fó tulun ba populasaun iha ámbitu implementasaun estadu emerjénsia, maske hasoru obstákulu oioin maibé iha tempu badak Primeiru-Ministru fiar katak sei implementa.

Fonte: Mídia Presidente da República (PR)

Notísia Hotu-Hotu >