CAC Relata Joven Barak Asesu Ba Subsídiu $200.00 Maske Seidauk Forma Família

Dili, 05 Agostu 2020 - Ekipa Konjunta ne'ebé kompostu hosi Komisaun Anti Korupsaun (sigla portugés, CAC), Inspesaun Jerál Estadu (sigla portugés, IGE), Provedoria ba Direitu Umanu no Justisa (sigla portugés, PDHJ) no Komisaun Funsaun Públika (sigla portugés, CFP), ohin, hala'o konferénsia imprensa hodi hato'o relatóriu kona-ba subsídiu $200.00 ba agregadu familiár sira.

Iha konferénsia imprensa ne'e, CAC informa, pagamentu subsídiu refere eziste indísius forte katak iha joven barak mak rejista nu'udar benefisiáriu hodi asesu ba subsídiu agregadu familiár, maske seidauk forma família ka uma-kain.

CAC informa mos katak autoridade lokál no komunitária balu permite joven sira livremente rejista nu'udar benefisiáriu tanba la iha prosesu verifikasaun ida rigorozu hosi MAE no MSSI.

Autoridade lokál sira ne'e prefere liu atu la foti risku hodi trava joventude sira ne'ebé insiste atu asesu apoiu subsídiu ne'e maske sira la prienxe rekezitu tanba erru no fallansu kona-ba dadus verifikasaun ne'ebé mai hosi MAE no MSSI.

Fonte: Timor News

Notísia Hotu-Hotu >