Prodúz Serveja Uza Ai-Farina, Heineken Kria Ona Rendimentu Ba Agrikultór Besik 1500

Dili, 07 Jullu 2020 - Ministru Agrikultura no Peska (MAP), Pedro dos Reis, Hala'o Observasaun direita ba Kompañia Heineken iha Hera, Dili  Timor-Leste.

Objektivu hosi vizita ne'e hodi hared direitamente Fábrika Heineken Timor, ne'ebe kolabora hamutuk ho Kooperativa Kafè Timor, Hodi kria serveja lokál ne'ebé halo hosi ai-farina lokàl.

Inisiativa ida ne'e kria ona rendimentu ba Agrikultór kuaze 1500, liuhosi fornese ai-farina hanesan Materiál prinsipàl ba produsaun serveja lokál 'LIURAI', serveja dahuluk ne'ebé prodúz hosi kompañia Heineken Timor lokalmente.

"Iha ita-nia rain iha ona fábrika ida ne'ebé ita bele prodúz ona ita-nia serveja rasik no nia materiál lokál mak hanesan ai-farina, hanesan kompañia Heineken sira la kuda ai-farina maibé Agrikultór sira mak kuda signifika katak ida ne'e mak ita kontinua ita fó rendimentu ba ita-nia povu Agrikultór sira", dehan Pedro dos Reis.

Fonte: Mídia Ministério da Agricultura e Pescas (MAP)

Notísia Hotu-Hotu >