Tinan Ida Ne'e Timor-Leste Sei Esporta Kafé Tonelada 18 Ba Nasaun Haat

Dili, 07 Agostu 2020 - Ministru Agrikultura no Peska (MAP), Pedro dos Reis, hamutuk ho Embaixadór Nova Zelándia no Prezidente CCITL, halo Lansamentu ba Esportasaun Kafè tinan 2020 nian, iha CCT Bidau, Dili.

Lansamentu refere halo ba kafé hamutuk tonelada 18 iha kontentór, ne'ebé mak sei haruka sai ba Nova Zelándia, Estadus Unidus Amérika, Kanadá no Austrália.

Pedro dos Reis rekoñese suporta hosi Parseiru Dezenvolvimentu sira atu haburas setór kafé no enkoraja CCT atu servisu hamutuk ho Governu hodi suporta rehabilitasaun plantasaun kafé no mantéin kualidade produtu.

Ministru ne'e hateten mós, produsaun kafé hanesan prioridade atu diversifika Timor-Leste nia ekonomia, hasa'e komunidade vunerável nia rendimentu no fó servisu ba ema hamutuk 2000 kada loron durante tempu kolleta nian.

Fonte: Mídia Ministério da Agricultura e Pescas (MAP)

Notísia Hotu-Hotu >