Kazu Infektadu Covid-19 Iha Índia Sa’e Ba 4.277.584, Hakat Liu Tiha Ona Brazíl

Índia, 08 Setembru 2020 – Índia rejista kazu virus corona foun iha oras 24 nia laran de’it hamutuk 90.802 iha segunda ne’e (7/9), nune’e totál kazu virus corona infektadu iha Índia oras ne’e hamutuk 4.277.584 no mate 72.816, tuir relatóriu hosi Ministériu Saúde Índia. 

Totál kazu iha nasaun refere kompara fali ho relatóriu kazu iha Brazil bazeia ba dadus Worldmeters nian, relata katak Brazil to’o oras ne’e iha kazu infektadu virus corona hamutuk 4.147.794 no mate 127.001. Tanba ne’e, Índia sai fali nu’udar nasaun daruak ho kazu infektadu virus corona barak liu iha mundu, no hakat liu ona Brazil.

Estadus Unidus Amérika iha kazu infektadu corona hamutuk 6.485.575 no mate 193.534, ne’e duni to’o agora nafatin sai hanesan nasaun dahuluk ho kazu Covid-19 barak liu iha mundu.

 

Fonte: CNN

Notísia Hotu-Hotu >