MAP Kolleta Batar Noi Mutin Éktare 42 Iha Zumalai

Kovalima, 10 Setembru 2020 - Ministru Agrikultura no Peska (MAP) Pedro dos Reis, Akompaña hosi Prezidente Komisaun D Parlamentu Nasionál Antoninho Bianco, hamutuk ho Autoridade munisipiu Kovalima, halo lansamentu Kolleta Batar Noi Mutin ho total éktare 42, kinta ne’e (10/9), iha Oebaba, suku Raimea, postu-administrativu Zumalai.

Iha kolleta batar ho totál éktare 42 ba époka daruak ne’e, Pedro dos Reis hateten, Governu iha ona planu hodi transforma produsaun hirak ne'e iha merkadoria, hanesan membru Governu ho nia Estrutura tomak buka dalan oinsá atu estende tán kuda halo barak hodi hanoin ona halo indústria ki’ik oan liuliu Pellet hahán ikan no manu ho ida ne’e  mak bele rezolve problema.

Iha okaziaun ne'e, Antoninho Bianco hateten, durante ne'e preokupa tanba produsaun rai-laran la sufisiente atu fornese ba ita-nia an rasik taba ne’e mak osan barak sei ba li’ur, ita buka tenta atu labele dependénsia ba produsaun rai-li’ur.

Iha biban ne’e, agrikultór sira husu Governu atu apoia nafatin materiál nune'e bele fasilita sira wainhira halo servisu to’o nivel merkadu.

Fonte: Mídia Ministério da Agricultura e Pescas (MAP)

Notísia Hotu-Hotu >