Timor-Leste Komemora Loron Mundiál Ozonu Ho Tema 'Ozone For Life'

Dili,16 Setembru 2020 - Sekretária Estadu Ambiente Liuhosi Diresaun Nasionál Alterasaun klimátika no Unidade Ozonu (inglés, Ozone), iha kuarta ne’e (16/9), komemora loron mundiál Ozonu ho tema ‘Ozone For Life’, ba tinan 35 ne’ebé Proklama hosi Nasaun Unidu iha loron 16 Setembru nu’udar loron mundiál Ozonu, no tinan ida ne’e mós selebra Aniversáriu Konvensaun Viena ba protesaun Kamada Ozonu.

Objetivu hosi komemorasaun ne’e atu kontinua halo esforsu hodi proteje Kamada Ozonu atu mantéin malirin no proteje nafatin ema, balada, no ai-horis sira.

Sekretáriu Estadu Ambiente, Deometrio de Carvalho hateten iha nia diskursu, "parte hosi protokulu no konvensaun sira Governu Timor-Leste iha tinan 2012 Governu rasik prodúz ona dekretu-lei hodi kombate substánsia sira".

Komemorasaun ne’e halo mós atividade Konkursu Públiku ba estudante Sekundáriu kona-ba Ambiente.

Fonte: Mídia Sekretariu Estadu Ambiente (SEA)

Notísia Hotu-Hotu >