Aviaun Citilink Hetan Sansaun Tanba Tula Pasajeiru Pozitivu Covid-19 Iha Indonézia

Dili, 21 Setembru 2020 – Servisu Transportasaun Kalimantan Barat, Indonézia, fó sansaun ba kompañia aéreo Citilink tanba transporta pasajeiru pozitivu Covid-19 iha rota Jakarta-Pontianak.

Xefe Servisu Transportasaun Kalimantan Barat Ignatius IK hateten, komprovadu ona katak Citilink transporta pasajeiru ida konfirmadu Covid-19 hosi Jakarta-Pontianak ho númeru sasemok CG 9414.

“Ami akompaña rezultadu hosi ezame amostra ba Swab ho métodu teste PCR ne’ebé hala’o hosi eskritóriu saúde Provinsiál Kalimantan Barat iha 11 Setembru liubá, komprova ona katak pasajeiru ida konfirmadu Covid-19”, informa Ignatius, iha segunda ne’e (21/9).

Tanba ne’e Citilink hetan sansaun proibidu atu tula pasajeiru fora hosi área rota Jakarta-Pontianak. Sansaun ne’e tama iha vigor ba loron 10 hahú hosi 19 Setembru 2020.

Fonte: CNN Indonesia

Notísia Hotu-Hotu >