Governu Sei Fahe Tán $25.00 Ba Kada Uma-Kain Kbiit-Laek Iha Timor Laran

Dili, 23 Setembru 2020 - Sorumutuk Konsellu Ministru ne'ebé hala'o ohin iha palásiu Governu, Ministru Koordenadór Asuntu Ekonómiku, Joaquim Amaral, aprezenta ona projetu Dekretu-Lei,  no hetan aprovasaun hosi Konsellu Ministru, kona-ba atu estabelese medida apoiu ba família sira, liuhosi atribuisaun sesta bázika, no mós ba produtór agríkola no operadór komersiál ba produtu alimentár no ijiene pesoál, nasionál no lokál nian sira.

Benefisiáriu sira hosi sesta bázika ne’e mak ema hirak ne’ebé nu’udar agregadu familiár inskreve ona iha 'Livru Rejistu Uma-Kain' ne’ebé hela iha teritóriu nasionál tomak iha momentu ne’ebé hala’o distribuisaun ba sesta bázika ne’e, no mós, sidadaun timoroan sira ne’ebé agora tama hela iha instituisaun sosiu-edukativa, relijioza, sanitária sira ka ema sira ne’ebé tama hela iha komarka, maibé sira ne’e sei simu ketak no la inklui iha sira-nia uma-kain.

Sesta bázika ne’e sei atribui iha fulan Novembru no Dezembru, ne’ebé nia montante fiksa tiha ona to’o $25,00 (dólar amerikanu ruanulu-resin-lima), ba membru ida-idak huoi agregadu famíliar nian, kada fulan iha fulan rua ne’e nia laran. Sesta bázika ida bele troka ho folin sasán ne’ebé koresponde ba valór osan nian.

Fonte: Ministério dos Assuntos Parlamentares e Comunicação Social (MAPCOMS)

Notísia Hotu-Hotu >