Satélite Hatudu Pontu Inséndiu 19, DNMG Husu Labele Soe Sigaru Rohan Arbiru

Dili, 23 Setembru 2020 - Diresaun Nasionál Meteorolojia no Jeofízika (sigla portugés DNMG) informa ba populasaun hotu-hotu katak iha tersa ne'e (22/9), tuir observasaun hosi satélite deteta iha pontu inséndiu hamutuk 19 iha teritóriu Timor-Leste, nu'udar hatudu iha imajen iha leten, pontu inséndiu 9 iha RAEOA parte Noeheno, Pásabe no Oesilo ho nia nivel Konfidensiál 81%.

fatin seluk, eziste pontu insénsiu 5 iha Ermera parte Gleno ho nia nivel Konfidensiál 91%, pontu 3 iha Manatutu parte Aimeta-laran ho nia nivel Konfidensiál 68%, no pontu 2 iha Kovalima parte fatolulik.

Insendiu refere iha posibilidade bele espalla ba área ne'ebé besik tanba kauza hosi rajada anin ho velosidade bele atinge to'o 35 km/hr.

Tanba ne'e, DNMG husu ba populasaun hotu iha teritóriu Timor-Leste atu evita sunu rai arbiru, no ba fumante sira tenke verifika no kuida didi'ak sigaru nia rohan wainhira fuma hotu no soe, tanba bele hamosu inséndiu no espalla ho lalais liu iha área ne'ebé besik, tanba hetan forsa hosi anin boot ne'ebé akontese iha teritóriu hodi lori risku ba ema seluk nia moris no kauza estragus ne'ebé boot ba meiu ambiente.

Fonte: Direção Nacional de Meteorologia e Geofísica (DNMG)

Notísia Hotu-Hotu >