Posibilidade Sidadaun Tama Ilegál Hosi Fronteira Sei Selu Rasik Kuarentena

Dili, 24 Setembru 2020 – Relasiona ho sidadaun sira-nia pasajen ilegál iha fronteira terestre ne’ebé sai preokupasaun públiku nian, Primeiru-Ministru Taur Matan Ruak informa katak, Governu diskute hela posibilidade atu sidadaun sira ne’e selu rasik kustu durante iha kuarentena nia laran, la’os ona responsabilidade estadu nian, hanesan nasaun seluk aplika.

Primeiru-Ministru informa ida ne’e, ohin, hafoin hasoru malu ho Prezidente Repúblika Francisco Guterres Lú Olo, iha Palásiu Prezidente Nicolau Lobato.

Tanba ne’e, Primeiru-Ministru kontinua husu ba sidadaun sira koopera ho instituisaun estadu liuhosi hatudu-an nu’udar sidadaun ida ne’ebé responsável, kumpri medida implementasaun estadu emerjénsia, no hotu-hotu hamutuk hasees Timor-Leste hosi moras virus corona.

Fonte: Mídia Presidente da República (PR)

Notísia Hotu-Hotu >