Grupu RNDJK Husu INTERPOL Hodi Kaptura Marí Alkatiri

Dili, 24 Setembru 2020 - Grupu Rezisténsia Nasionál Defende Justisa no Konstituisaun (RNDJK) nia porta-vós Angela Freitas, husu ba INTERPOL atu kaptura Marí Alkatiri tanba, tuir Angela Freitas katak, Marí halo krime hodi viola konstituisaun RDTL, livremente pratika manobra polítika, perturba povu tomak nia moris, perturba Governu no nasaun RDTL. Lia hirak ne'e hato'o ohin, iha konferénsia imprensa ne’ebé RNDJK realiza iha Bairu Formosa, Dili.

Angela Freitas hatutan, “Husu atu halo investigasaun mós rezultadu inspesaun ne’ebé halo rasik hosi Marí Bin Amude Alkatiri kona-ba osan Millaun $700 ne’ebé durante tinan 4 nia laran nu’udar Prezidente RAEOA uza halo konstrusaun ZEESM RAEOA, maibé konstrusaun ne’e la finaliza no osan estadu ne’e tau iha konta bankária privadu no Marí Bin Amude Alkatiri manán lukru fulan-fulan ba nia privadu no paradeiru osan al hatene iha ne’ebé?”.

Porta-vós RNDJK husu mós ba PNTL no KAK atu halo investigasaun profunda hasoru Marí, relasiona ho Ró Haksolok ne’ebé tuir Angela hateten katak selu hotu ona maibé Ró ne’e la mai.

Fonte: Timor News

Notísia Hotu-Hotu >