Uniaun Europeia Apoia Fasilidade Protesaun Ba Vítima Sira Iha Uma-Mahon Manufahi

Dili, 25 Setembru 2020 - Uniaun Europeia liuhosi Care Internasional, apoia fasilidade protesaun ba uma-mahon munisípiu Manufahi hodi asegura vítima feto no labarik ne’ebé hetan violénsia iha munisípiu ne'e.

Embaixadór Uniaun Europeia Andrew Jacobs hateten, Uniaun Europeia orgullu servisu hamutuk ho Care internasional, Oxfam, Plan Internasional, World Vision no CRS hodi fó apoiu ba prevensaun Covid-19 iha Timor Leste, no agora daudauk Uniaun Europeia kontinua servisu hamutuk ho Care internasionál no Fundasaun Luta ba Futuru, hodi apoia fasilidade seguridade ho ho esperansa hodi proteje vítima sira iha uma-mahon ne’e.

Diretora ezekutivu Fundasaun Luta ba Futuru, Maria Boki Fernandes agradese ba Uniaun Europeia ho Care Internasional ne'ebé apoia ona fasilidade hirak ne'e ba uma-mahun munisípiu Manufahi hodi bele fasilita di’ak liu tán vítima sira ne'ebé hetan protesaun iha uma-mahon.

Fonte: Diáriu "Roman ba Sosiedade" Manufahi

Notísia Hotu-Hotu >