Xina Dehan EUA Kria Ona Problema Barak Ba Mundu Ida Ne'e

Dili, 25 Setembru 2020 - Embaixadór Xina ba Organizasaun Nasaun Unidu (ONU) Zhang Jun ataka Estadus Unidus Amérika (EUA) hodi dehan katak EUA kria ona problema barak ba mundu. Zhang Jun hateten ida ne'e iha reuniaun Konsellu Seguransa Nasaun Unidu (sigla inglés UNSC).

Zhang nia deklarasaun ne'ebé nia hato'o ne'e nu'udar krítika ida hasoru Prezidente EUA Donald Trump nia diskursu ne'ebé temi liafuan 'Virus Xina' hodi refere ba virus corona.

"Ha'u tenke dehan to'o ona, para ona! Imi kria ona problema barak ba mundu", dehan Zhang, iha reuniaun Kosellu Seguransa ONU, liuhosi konferénsia imprensa ne'ebé marka prezensa hosi Xefe Estadu balu, iha kinta ne'e (24/9).

"EUA iha kazu konfirmadu kuaze millaun 7 no mate rihun 200 resin to'o oras ne'e. ho sira-nia teknolojia no sistema médiku ne'ebé avansadu liu iha mundu, tanba sá EUA iha fali númeru kazu (Covid-19) konfirmadu no mate barak liu?", Zhang hatutan, tuir divulgasaun hosi AFP.

Fonte: CNN Indonesia

Notísia Hotu-Hotu >