SEJD Enkoraja APFTL Atu kontinua Prova Katak Foinsa’e La’os Halo De’it Problema

Dili, 25 Setembru 2020 - Sekretáriu Estadu Juventude no Desportu (SEJD) Abrão Nokosiku Saldanha enkoraja membru Asosiasaun Parlamentu Foinsa’e Timor-Leste (APFTL) sira atu kontinua no mantéin sira-nia servisu no prova ba sosiedade katak foinsa’e mak forsa kria solusaun, ka forsa kriasaun, la’os deit halo problema.

Abrão Nokosiku hato’o korajen ne’e, wainhira halo abertura ba Kongresu Daruak APFTL nian ne’ebé hala’o iha salaun Canossa Bekora, ohin.

Abrão hateten mós, “lori Governu nia naran atu mai enkoraja APFTL atu bele kontinua hodi dezenvolve sira-nia servisu hamutuk ho joven sira. APFTL nu’udar parséria prinsipál ida SEJD nian ne’ebé durante ne’e servisu maka’as ho joven sira”.

Kongresu Daruak APFTL nian ne’e sei hala’o durante loron tolu, hahú hosi ohin, 25 to’o 27 Setembru 2020.

Fonte: Mídia Secretário Estado Juventude e Desporto (SEJD)

Notísia Hotu-Hotu >