UNTL Selebra Misa Agradesimentu Ba Graduasaun Períodu Dahuluk Tinan 2020 Nian

Dili, 25 Setembru 2020 - Universidade Nasionál Timor Lorosa’e (UNTL) selebra misa graduasaun períodu dahuluk 2020 nian ba resém-graduadu sira, ohin, iha Igreja Katedrál Imaculada da Conceição, Dili. 

Reitór UNTL, Francisco Miguel Martins, iha nia intervensaun hateten, selebrasaun misa ida ne’e hodi hasa’e agradesimentu ba Maromak tanba ho Nia grasa no tulun mak UNTL nia finalista sira na’in-568 bele remata sira nia estudu.

 “Siénsia no matenek sira ne’ebé durante ne’e imi hetan iha universidade, tenke aplika ho haraik-an, obedese ba Maromak no servi ba malu”, Reitór kontinua dehan tán.

Reitór mós konvida resém-graduadu hotu atu reflete iha selebrasaun ne’e kona-ba difikuldade lubuk ida mak sira enfrenta ona, dala barak hamnasa, hamonu matan-been, halerik tanba hasoru susar oioin maibé ohin loron sira konsege ultrapasa. 

Fonte: Mídia Universidade Nacional Timor Lorosa'e (UNTL)

Notísia Hotu-Hotu >