Ema Halo Karta Falsu Ba Autorizasaun Servisu Projetu Lori MOP Nia Naran

Dili, 28 Setembru 2020 – Ministériu Obras Públika (MOP) klarifika ba públiku katak karta autorizasaun servisu ne’ebé temi kona-ba konstrusaun projetu loke estrada alternativu iha Kovalima ne’e falsu ka hetan falsifikasaun hosi ema iresponsável.

Karta ne’e lansa hosi ema iresponsável ho asinatura falsu Ministru MOP Salvador dos Reis Pires nian.

Pájina ofisiál facebook Servisu Obras Públika-MOP, haktuir mós katak karta ne’e la sai hosi Gabinete MOP nian ka Diresaun Jerál Obras Públikas, inklui hosi Diresaun Nasionál Estrada, Ponte no Kontrolu Seia, maibé karta ne’e falsifikadu.

MOP husu ba kompañia ne'ebé naran mensiona iha karta ne'e atu lalika mobiliza ekipamentu hodi halo servisu tanba karta ne'e laloos, no MOP sei prosesa tuir dalan legál ne'ebé iha.

Fonte: Mídia Servisu Obras Públikas - MOP

Notísia Hotu-Hotu >