Inan Faluk Amélia Amaral Simu Uma Ida Hosi BNCTL

Dili, 28 Setembru 2020 - Banku Nasionál Komérsiu Timor leste (sigla portugés BNCTL), entrega uma ho meiu parede ida ba inan faluk Amélia Amaral ho idade 90 resin, iha sexta ne’e (25/9), iha suku Tutuluru, postu-administrativu Same, Manufahi.

Prezidente Konsellu Administrasaun BNCTL António Vítor, agradese ba Autoridade no mídia iha munisípiu Manufahi ne’ebé halo publikasaun ba kondisaun moris inan faluk Amélia Amaral, nune’e parte BNCTL orenta kedas nia funsionáriu sira hodi identifika faluk ne’e.

BNCTL aloka osan $ 4.000,00 resin, hodi halo konstrusaun uma meiu parede kompletu ho sintina no dapur, hodi oferese ba inan faluk Amélia Amaral atu hela, maske hafoin konstrusaun uma ne’e remata, inan-faluk la konsege hela tanba husik tiha ona mundu iha 3 Agostu 2020, maibé entrega hela ba nia oan mane Manuel Duarte ho kondisaun defisiénsia fíziku hodi hela.

Parte BNCTL mós halo ona uma ba familia kbiit-laek sira iha munisípiu Bobonaru no sei kontinua apoia familia kbiit-laek sira iha munisípiu seluk.

Fonte: Diáriu "Roman ba Sosiedade" Manufahi

Notísia Hotu-Hotu >